(మెట్రో న్యూస్):
జ్యోతిష్య శాస్త్రంలో విశేష ప్రతిభ కనబరిచి డాక్టరేట్ పట్టా అందుకున్న రామచంద్రపురం వాసి డా. సుజాత సుబ్రహ్మణ్యం వడ్లమాని పలువురి ప్రశంసలు అందుకుంటున్నారు. భారతీ నగర్ డివిజన్ పరిధిలోని బీడీఎల్ కాలనీలో నివాసముంటున్న ఆమె, ఇటీవల పుదుచ్చేరిలోని కంబన్ కలై అరంగం ఆడిటోరియంలో శనివారం నిర్వహించిన అవార్డు ప్రదానోత్సవ కార్యక్రమంలో పలువురు ప్రముఖుల చేతుల మీదుగా గౌరవ డాక్టరేట్‌ను అందుకున్నారు.విద్యారంగంలో విశేష అర్హతలు.. ఆధ్యాత్మిక సేవలో పదేళ్ల ప్రస్థానం
డా. సుజాత సుబ్రహ్మణ్యం ఎంబీఏ (హెచ్‌ఆర్‌), ఎంఏ సైకాలజీ, ఎంఏ సంస్కృతం, ఎంఏ జ్యోతిష్య శాస్త్రంలో విద్యాభ్యాసం పూర్తి చేశారు. ఆధ్యాత్మిక కుటుంబం నుంచి వచ్చిన ఆమె, గత పదేళ్లుగా ఆధ్యాత్మిక సేవా కార్యక్రమాల్లో చురుగ్గా పాల్గొంటున్నారు. సమాజ సేవ చేయాలనే సంకల్పంతో రాజస్థాన్, కర్ణాటకతో పాటు ఉమ్మడి తెలుగు రాష్ట్రాల్లోనూ పలు సామాజిక, ఆధ్యాత్మిక సేవా కార్యక్రమాలను నిర్వహించారు.జ్యోతిష్య శాస్త్రంలో ప్రత్యేక నైపుణ్యం
జ్యోతిష్య రత్న అవార్డు గ్రహీత అయిన డా. సుజాత, ప్రశ్న తంత్రం, శకున శాస్త్రం, న్యూమరాలజీ వంటి జ్యోతిష్య శాస్త్రంలోని ప్రత్యేక విభాగాల్లో నైపుణ్యం సాధించారు. గత దశాబ్ద కాలంగా అనేక మందికి మార్గదర్శనం చేస్తూ, వారి సమస్యలకు పరిష్కార మార్గాలను సూచిస్తున్నారు.దీంతో పాటు సికింద్రాబాద్‌లోని కిమ్స్ ఆసుపత్రి ఆధ్వర్యంలో డిమెన్షియా బాధితులు, వారి సంరక్షకుల కోసం నిర్వహించిన పరిశోధన కార్యక్రమంలోనూ ఆమె విస్తృతంగా పాల్గొంటూ సేవలందిస్తున్నారు.సమాజ శ్రేయస్సు కోసం నిరంతర కృషి
ఈ సందర్భంగా డా. సుజాత మాట్లాడుతూ, ప్రతిష్టాత్మకమైన ఈ గౌరవం తన సేవా కార్యక్రమాలకు మరింత ప్రోత్సాహాన్నిచ్చిందని తెలిపారు. భవిష్యత్తులో సమాజం పట్ల మరింత బాధ్యతతో ముందుకు సాగేందుకు ఈ గుర్తింపు స్ఫూర్తినిచ్చిందని, సమాజ శ్రేయస్సు కోసం తన వంతు కృషిని నిరంతరం కొనసాగిస్తానని పేర్కొన్నారు.
ప్రముఖుల హాజరు.. అభినందనల వెల్లువ
ఈ కార్యక్రమానికి యునైటెడ్ అమెరికన్ యూనివర్సిటీ డైరెక్టర్, ట్రస్టీ జస్టిస్ డా. టి. వెంకటేష్ అధ్యక్షత వహించారు. తమిళనాడు ప్రభుత్వ మాజీ ప్రిన్సిపల్ సెక్రటరీ పి.ఆర్. సంపత్, అంతర్జాతీయ న్యాయ నిపుణులు డా. పర్మీందర్ సింగ్, యూనివర్సిటీ వైస్ ఛాన్సలర్ ప్రొఫెసర్ పి. అమృతవల్లి, జాతీయ మానవ హక్కుల కమిషనర్ డా. టి. సుషుమ్నా రావు, మద్రాస్ హైకోర్టు గౌరవ మధ్యవర్తి డా. ఎస్. సిద్ధార్థ్ తదితర ప్రముఖులు పాల్గొన్నారు.డాక్టరేట్ అందుకున్న డా. సుజాత సుబ్రహ్మణ్యంకు కుటుంబ సభ్యులు, మిత్రులు, శ్రేయోభిలాషులు, విద్యార్థులు, వివిధ రంగాలకు చెందిన ప్రముఖులు అభినందనలు తెలియజేశారు.
