(మెట్రో న్యూస్):
- సామాజిక న్యాయం నినాదం నుంచి ఆచరణకు ఎప్పుడు?
- రెండు స్థానాలు.. ఇద్దరు అభ్యర్థులు.. బీసీలకు చోటేది?
- ప్రాతినిధ్యం కోసం బీసీ సమాజ్ ప్రశ్నల వర్షం.
రాజకీయ ప్రాతినిధ్యం విషయంలో బీసీల వాటా మరోసారిచర్చనీయాంశంగా మారింది. పట్టభద్రుల ఎమ్మెల్సీ అభ్యర్థుల ఎంపికలో బీసీలకు అవకాశం దక్కకపోవడాన్ని బీసీ సమాజ్ ప్రశ్నిస్తోంది. సామాజిక న్యాయం, బీసీలకు తగిన రాజకీయ ప్రాతినిధ్యం వంటి అంశాలను ప్రస్తావిస్తూ అధికారంలోకి వచ్చిన కాంగ్రెస్ పార్టీ అభ్యర్థుల ఎంపికలోనూ అదే సూత్రాన్ని,యుప్రతిబింబించాల్సిన అవసరం ఉందని బీసీ సమాజ్ రాష్ట్ర ప్రధాన కార్యదర్శి మోడల శ్రీనివాస్ సాగర్ పేర్కొన్నారు.
మహబూబ్‌నగర్–రంగారెడ్డి–హైదరాబాద్ పట్టభద్రుల ఎమ్మెల్సీ స్థానానికి సామ రామ్మోహన్‌రెడ్డి, నల్గొండ–ఖమ్మం–వరంగల్ స్థానానికి రాంరెడ్డి సర్వోత్తమ్‌రెడ్డిని కాంగ్రెస్ పార్టీ అభ్యర్థులుగా ప్రకటించింది. ఈ రెండు ఎంపికల్లోనూ బీసీ అభ్యర్థికి అవకాశం దక్కలేదన్న అంశాన్ని శ్రీనివాస్ సాగర్ ప్రధానంగా ప్రస్తావించారు.
హామీలు.. ప్రాతినిధ్యం.. ఆచరణ,బీసీలకు జనాభా ప్రాతిపదికన రాజకీయ ప్రాతినిధ్యం పెంచడం, రిజర్వేషన్ల అంశాన్ని ముందుకు తీసుకెళ్లడం వంటి హామీలు రాజకీయ పార్టీల అజెండాలో తరచూ కనిపిస్తున్నాయి. అయితే ఎన్నికల హామీలు, అధికారంలోకి వచ్చిన తర్వాత పదవుల పంపకాలు, అభ్యర్థుల ఎంపికలోప్రతిఫలిస్తున్నాయా అన్న ప్రశ్న ఇప్పుడు బీసీ వర్గాల నుంచి వినిపిస్తోందని శ్రీనివాస్ సాగర్ అన్నారు.
ఎమ్మెల్సీ అభ్యర్థుల ఎంపిక అనేది ఒక పార్టీ అంతర్గత రాజకీయ నిర్ణయం అయినప్పటికీ, సామాజిక ప్రాతినిధ్యం కోణంలో దాని ప్రభావం విస్తృతంగా ఉంటుందని ఆయన అభిప్రాయపడ్డారు. ముఖ్యంగా బీసీలకు రాజకీయ భాగస్వామ్యం కల్పిస్తామని చెప్పే పార్టీలు అభ్యర్థుల ఎంపికలో ఆ అంశాన్ని ఎలా ప్రతి బింబిస్తాయన్నది కీలకమని పేర్కొన్నారు.ఓటు హక్కు నుంచి నిర్ణయాధికారం వరకు..బీసీల పాత్రను కేవలం ఎన్నికల సమయంలో ఓటర్లుగా మాత్రమే కాకుండా, నిర్ణయ ప్రక్రియలోభాగస్వాములుగా గుర్తించాలన్నది బీసీ సమాజ్ వాదన. ఎమ్మెల్సీ, ఎమ్మెల్యే, నామినేటెడ్ పదవులు, స్థానిక సంస్థలు తదితర రాజకీయ వేదికల్లో బీసీలకు జనాభా ప్రాతిపదికన సముచిత ప్రాతినిధ్యం కల్పించాలని శ్రీనివాస్ సాగర్ డిమాండ్ చేశారు.“సామాజిక తెలంగాణ అంటే అన్ని వర్గాలకు సమాన అవకాశాలు కల్పించడం. అందులో రాజకీయ ప్రాతినిధ్యం కీలకం. మాటల్లో సామాజిక న్యాయం చెప్పడం కాకుండా, ఆచరణలోనూ దాని ప్రతిఫలనం కనిపించాలి” అని ఆయన పేర్కొన్నారు.
ఇక ముందు ఏం జరుగుతుంది?
తాజా ఎమ్మెల్సీ అభ్యర్థుల ఎంపికతో బీసీ ప్రాతినిధ్యంపై మరోసారి రాజకీయ చర్చకు అవకాశం ఏర్పడిందని బీసీ సమాజ్ పేర్కొంది. బీసీలకు ఇచ్చిన హామీలపై కాంగ్రెస్ పార్టీ స్పష్టత ఇవ్వడంతో పాటు, భవిష్యత్‌లో రాజకీయ పదవులు, నామినేషన్లు, ఎన్నికల అవకాశాల్లో బీసీలకు ఏ మేరకు ప్రాతినిధ్యం కల్పిస్తుందనే దానిపై కార్యాచరణ ప్రకటించాలని శ్రీనివాస్ సాగర్ కోరారు.బీసీల రాజకీయ ప్రాతినిధ్యంపై జరుగుతున్న ఈ చర్చ కేవలం రెండు ఎమ్మెల్సీ స్థానాలకే పరిమితం కాకుండా, రాష్ట్ర రాజకీయాల్లో సామాజిక ప్రాతినిధ్యం ఎలా అమలవుతోంది అనే విస్తృత ప్రశ్నను కూడా ముందుకు తెస్తోందని ఆయన పేర్కొన్నారు
