పది రోజుల శిక్షణతో విద్యార్థుల్లో ఆత్మవిశ్వాసం, క్రమశిక్షణ.. ప్రభుత్వ విప్ శ్రీనివాస్ రెడ్డి
మెట్రో న్యూస్
గొల్లపల్లిలోని శ్రీలలితాంబికా తపోవనంలోమహబూబ్‌నగర్ ఫస్ట్, వందేమాతరం ఫౌండేషన్ సంయుక్తంగా నిర్వహించిన పది రోజుల NMMS శిక్షణ శిబిరం ముగిసింది. ముఖ్య అతిథిగా హాజరైన ప్రభుత్వ విప్, ఎమ్మెల్యే యెన్నం శ్రీనివాస్ రెడ్డి విద్యార్థులకు బ్యాగులు పంపిణీ చేశారు.
ఈ సందర్భంగా ఆయన మాట్లాడుతూ ప్రభుత్వ పాఠశాలల విద్యార్థుల్లో అపార ప్రతిభ ఉందని, సరైన శిక్షణతో ఉన్నత విజయాలు సాధిస్తారని అన్నారు. గత ఏడాది జిల్లాలో వచ్చిన 71 NMMS స్కాలర్‌షిప్‌లలో 60 ఈ శిబిరం విద్యార్థులే సాధించడంఅభినందనీయమన్నారు. చదువుతో పాటు క్రమశిక్షణ, సమయపాలన, ఆత్మవిశ్వాసంఅలవర్చుకోవాలని,సూచించారు.కార్యక్రమంలో తపోవనం చైర్మన్ జి. భాస్కర్, గుండా మనోహర్, రవీందర్, రవీందర్ రెడ్డి, మదన్ మోహన్ యాదవ్, సుధాకర్ రెడ్డి తదితరులు పాల్గొన్నారు.
