మాక్స్‌బియ‌న్ ఫార్మా కానీ, మైండ్‌వాల్ట్ కార్పొరేట్ స్కూల్స్ కానీ, మెడిక‌వ‌ర్ ఆస్ప్ర‌త్రుల మీద వ‌స్తున్న ఆరోప‌ణ‌లపై అక్కడున్న మీడియావాళ్లు అడిగిన‌పుడు రేవంత్ రెడ్డి ప్రెస్‌మీట్‌లో మొద‌లేమో త‌న‌ను పెయిడ్ క్వ‌శ్చ‌న్స్ అడ‌గ‌కండి అన్న‌రు.. త‌ర్వాతేమో ఒక్క ఆధార‌మన్నా చూపించండి అన్న‌రు. ఇవ‌న్నీ అంశాలల్లో కూడా కొన్ని నెల‌ల నుంచి ఆధారాలు బ‌య‌ట‌పెడుతూనే ఉన్నామ‌ని బీఆర్ ఎస్ నాయ‌కుడు మ‌న్నె క్రిశాంక్ తెలిపారు.
తెలంగాణ భ‌వ‌న్‌లో ఏర్పాటు చేసిన మీడియా స‌మావేశంలో ఆయ‌న మాట్లాడుతూ.. . ఎట్లా ఒక ఆస్ప‌త్రిని రూ.13200కు అమ్మేస్త‌రు.. ఆ ఆస్ప‌త్రిలో ఉన్న డైరెక్ట‌ర్ల‌లో అల్లుడు మాక్స్‌బియ‌న్ ఫార్మాలో ఉంట‌రు.. అమ్మాయి నిర్మాణాలు చేస్తున్న కార్పోరేట్ స్కూల్స్ అయిన మైండ్‌వాల్ట్స్‌లో ఉంట‌రు.. ఇవాళ ఇవ‌న్నింటి మీద ప్ర‌శ్న‌లు అడిగిన‌ప్పుడు రేవంత్ రెడ్డి ద‌గ్గ‌ర స‌మాధానం లేదు.. ఎదురేమో ర‌క‌ర‌కాల దుష్ర‌చారం చేస్త‌ర‌ని మ‌న్నె క్రిశాంక్ ఆరోపించారు.
వారికి, వారి ప్ర‌భుత్వానికి అనుకూలంగా ఉన్న ఛాన‌ళ్లు, ప‌త్రిక‌ల్లో కేటీఆర్‌, కేసీఆర్‌మీద దుష్ర‌చారాలు చేయ‌డం..వాళ్లు నేరుగా వ‌చ్చి స‌మాధానాలు కూడా చెప్ప‌డం,, కేటీఆర్‌, హ‌రీశ్ రావు స‌మాధానాలు చెప్ప‌డం, కేసీఆర్ లీగ‌ల్ గా ఎదుర్కోవ‌డం, క‌మిష‌న్‌కు స‌మాధానాలు చెప్ప‌డం.. అవును రేవంత్ రెడ్డి మీకు సంబంధం లేక‌పోతే విచార‌ణ చేప‌ట్టండి. సుల‌భంగా అయిపోత‌ది.. ఇవేమిట్లో కూడా మీ పాత్ర లేక‌పోతే సీబీఐ విచార‌ణకు ఆదేశించండి అయిపోత‌ది. ఆ సీబీఐ ముందు మేం పోయి డాక్యుమెంట్స్ పెడ‌తం. ఎందుకంటే తెలంగాణ రాష్ట్రంలో సీబీఐ రావాలంటే రేవంత్ రెడ్డి అనుమ‌తి ఉండాలి. మ‌రి రేవంత్ రెడ్డి ఇందులో ఏం లేదు ఒక్క ఆధారం కూడా లేద‌న్న‌ప్పుడు .. మీరు అంత క్లీన్‌గా ఉన్న‌పుడు ఇక్క‌డ పెట్టిన ఈ అంశాల మీద సీబీఐ విచార‌ణ పెట్టండి.. మేమే ఈ డాక్యుమెంట్స్ , డైరెక్ట‌ర్స్‌, షేర్ హోల్డ‌ర్స్ అన్నీ పెడ‌త‌మ‌న్నారు మ‌న్నె క్రిశాంక్ .
