తిరుమల శ్రీవారి దర్శనానికి భక్తుల రద్దీ గణనీయంగా తగ్గింది. వైకుంఠం క్యూ కాంప్లెక్స్‌లోని మెజారిటీ కంపార్ట్‌మెంట్లు ప్రస్తుతం ఖాళీగా కనిపిస్తున్నాయి. బుధవారం ఉదయం సమయానికి సర్వదర్శనం కోసం భక్తులు కేవలం 4 కంపార్ట్‌మెంట్లలో మాత్రమే వేచి ఉన్నారు. ఉదయం 9:35 గంటల ప్రాంతంలో తిరుమలకు చేరుకున్న భక్తులు క్యూ కాంప్లెక్స్‌లో నిరీక్షించాల్సిన అవసరం లేకుండానే నేరుగా దర్శనానికి వెళ్తున్నారు.

ప్రస్తుతం సర్వదర్శనం టోకెన్లు లేని భక్తులకు శ్రీవారి దర్శనానికి సుమారు 6 గంటల సమయం పడుతోంది. అలాగే, రూ.300 ప్రత్యేక ప్రవేశ దర్శనం టికెట్లు కలిగిన భక్తులకు 1 నుంచి 3 గంటల వ్యవధిలోనే దర్శనం పూర్తవుతోంది.

నిన్న స్వామివారిని మొత్తం 72,806 మంది భక్తులు దర్శించుకున్నారు. వీరిలో 18,564 మంది భక్తులు తలనీలాలు సమర్పించి మొక్కులు చెల్లించుకున్నారు. భక్తులు సమర్పించిన కానుకల ద్వారా శ్రీవారి హుండీ ఆదాయం రూ.3.89 కోట్లుగా నమోదైంది. అదేవిధంగా, టీటీడీ నిన్న ఒక్కరోజే 3.63 లక్షల లడ్డూలను విక్రయించగా, సుమారు 1.55 లక్షల మంది భక్తులు అన్నప్రసాదం స్వీకరించారు.